„Mér finnst það geggjað þegar ég hitti vini mína“ : tómstundaiðkun drengja í jaðarhópi

Markmið þessa BA- verkefnis er að skoða tómstundaiðkun drengja í jaðarhópi. Um eigindlega rannsókn er að ræða en viðtöl voru tekin við sex drengi sem eru á aldrinum 14-20 ára og búa í búsetuúræði á höfuðborgarsvæðinu. Áttu þeir að svara þremur spurningum sem hjálpuðu rannsakanda að vera einhverju nær um hvort þessir drengir væru að stunda svipaðar tómstundir eða hvort það væru einhverjar sértækar tómstundir sem þeir stunduðu. Ritgerðinni er skipt uppí fræðilegan hluta þar sem fjallað er um tómstundir, gildi tómstunda, tómstundahindranir og tómstundir fatlaðara. Því næst koma viðtölin við drengina þar sem rannsakandi segir frá viðtölum sínum við drengina og fer yfir það hvaða tómstundir þeir stunda, hvenær þeir stunda sínar tómstundir og líðan þeirra þegar þeir stunda sínar tómstundir. Þegar rýnt er í viðtölin við drengina kemur í ljós að þeir eiga nokkrar sameiginlegar tómstundir eins og útiveru, tölvuleiki og tónlist. En aftur á móti koma upp sautján tómstundir þar sem tveir eða færri stunduðu tómstundina. Drengirnir nota sínar tómstundir til þess að auka sjálfstraust sitt sem verður að teljast af hinu góða og er eitthvað sem ungmenni sem ekki eru í þeirra sporum gera